Inis Iron Meáin
Faoin Rás
Tá an rith/siúlóid ar leith seo ar an oileán, ar bun le 16 bliana agus ag tarraingt na sluaite turasóirí chuile bhliain chuig an oileán álainn seo, ina measc siúd, na lúthcleasaí is mó le rá ó cheann ceann na tíre. De ghnáth, is rás 10k a bhíonn ann, le rogha idir rása bóthair agus rogha níos deacra le píosa ar an trá, ach i mbliana tá rás 5k againn freisin, do luthchleasaithe amaitéaracha agus sinsearacha.
Register now to get your goody bag which includes:
- An Inis Iron Meáin t-shirt
- A neckwarmer sponsored by Portwest
- Race number and timing chip
- Energy bar and drink
- Free entry to our BBQ with live music
Tugann an ocáid seo deis airgead a thiomsú le haghaidh meánscoil an oileáin, Coláiste Naomh Eoin, ag cinntiú fhorbairt leanúnach phobail an oileáin neamhspleách seo.
Sonraí tábhachtacha
Satharn, 02/05/2026
12.45 I.N ar an bpointe
Halla Naomh Eoin, Inis Meáin, Oileáin Árann, Co. na Gaillimhe
Halla Naomh Eoin 10.30 – 12.00 I.N.
Tá 3 chineál rása i gceist:
- 5km ar an mbóthar
- Cúrsa Crua 10 km ar an mbóthar
- Cúrsa Fíor Chrua 12km ar an mbóthar agus an trá
Tá praghas €50 ann má chláraítear ar líne.
Tá Táille speisialta ar fáil do mhic léinn meánscoile ach iarratas a dhéanamh ar info@inisironmeain.com
€40 do mhuintir an oileáin. Séard a ghlacann muid mar oileánach ná: aon duine as an oileán nó atá ag maireachtáil ar an oileán, aon duine a bhfuil a t(h)uismitheoirí as an oileán nó aon duine pósta le duine as Inis Meáin. Ní bheidh aon duine eile i dteideal an lascaine seo.
Má fhágtar clárú don rás go dtí an lá, ní féidir a bheith cinnte go mbeidh mála bronntanais ar fáil, mar tugtar tús áite do na daoine a chláraíonn ar líne. Mar sin, cláraigh ar líne roimh ré agus ní bheidh díoma ort! Muna bhfuil tú abálta clárú ar líne, cuir glaoch ar an scoil ar 099 73991 agus is féidir linn an clárú ar líne a dhéanamh duit.
An Cúrsa
Dearadh bealach an Inis “Iron” Meáin go críonna le rogha de trí chúrsa. Leanann an trí chúrsa an bealach céanna den chuid is mó. Clúdaíonn an cúrsa crua 10.5 km de bhóithre an oileáin. Tá an cúrsa fíor-chrua (12K) mar a chéile, ach tá casadh ag beagnach lár báire a chlúdaíonn dumhach agus rith trá. Casann an cúrsa seo leis an gcúrsa crua arís tar éis 2km.
Leanann an cúrsa 5K an cúrsa céanna go dtí pointe.
Tá an cúrsa marcáilte go soiléir agus clúdaíonn sé formhór an oileáin le radhairc fíor áille agus le héagsúlacht i dtír-raon. Tar éis chuile chiliméadar tá comharthaí ag taispeáint an achair atá fós le rith.
Tosaíonn an rith ag Halla Naomh Eoin, an áit a chláraíonn tú. Tá árd géar i dtús an chúrsa ar feadh 0.5 km.
Ag barr an chnoic, téann tú ar dheis ansin láithreach ar chlé roimh an séipéal go dtí bóthar a thugann tú go dtí deisceart an oileáin. Níl aon títhe anseo agus tá radharcanna áille ann. Tar éis timpeall 1.5km, téann tú ar chlé agus leanann tú an bóthar a thugann isteach go dtí lár an oileáin tú arís. Ag bun an chnoic, téann tú ar dheis, agus leanann tú an bóthar uachtarach go dtí Céibh an Chóra. (Casann iomaitheoirí an 5K 300m roimh céibh an Chóra ag rith thar an monarchan cniotála agus ar ais ag an halla).
Casann tú ar chlé díreach roimh an tseanchéibh agus leanann tú an bóthar cothrom casta thar an reilig ar feadh 2km. Ag an bpointe seo, tá casadh ar dheis (stáisiún uisce anseo) dóibh siúd a bhfuil suim acu i ndúshláin an chúrsa fíor-chrua, a théann síos ag an trá. Leanann na hiomaitheoirí eile ar aghaidh ar feadh 1km eile go dtí go sroichtear coirneál na haerstráice.
Ag an aerstráice, casann tú ar chlé (is ag an bpointe seo freisin a chasann iomaitheoirí an chúrsa fíor-chrua leis an bpríomhchúrsa arís). Caithfear rith in aghaidh an aird arís anseo ar feadh 0.5 km (stáisiún uisce anseo), go dtí go gcasann tú le talamh cothrom arís agus leanann tú ort ar feadh 1km eile. Ag barr an bhóthair seo, casann tú ar dheis agus leanann tú ort ar feadh 0.5km eile (thar an Monarcha Chniotála). Seo é an pointe leath bealaigh.
Ag deireadh an bhóthair lárnach, casann tú ar dheis agus ansin clé láithreach ag dul thar na tancanna uisce ar feadh 1km agus iompaíonn tú ar chlé arís.
Lean an bóthar a árdaíonn go dtí barr an oileáin.Tá na 300 méadar dheireanacha go dtí an barr an-ghéar!! Iompaíonn tú ar chlé ar feadh 1km. Tar éis an tséipéal, téann tú ar chlé.
Téann na 300 méadar dheireanacha ar fad síos le fána. Fiú mura bhfuil móran rite agat, beidh cuma na maitheasa ort ag trasnú an chríochlíne faoi lánseol.