An Idirbhliain
Bliain ar Leith
Is eispéireas ar leith í an Idirbhliain i gColáiste Naomh Eoin. Faigheann na scoláirí blaiseadh de shaol ar oileán Gaeltachta, rud a shaibhríonn a scileanna Gaeilge agus iad ag glacadh páirte i gclár éagsúil spreagúil.
Leanann scoláirí na hIdirbhliana ar aghaidh ag staidéar na bpríomhábhar: Matamaitic, Gaeilge, Béarla agus Fraincis. Déanann siad blaiseadh de gach ábhar timthriall sinsearach atá ar fáil sa scoil agus faigheann siad deis réimsí a iniúchadh taobh amuigh den churaclam traidisiúnta scoile. Ina measc seo tá iriseoireacht, TEFL, agus gnó beag a bhunú chun páirt a ghlacadh i gcomórtas ar nós Dragon’s Den.
Bíonn scoláirí fadtéarmacha agus scoláirí a thagann linn ar feadh bliana amháin san Idirbhliain. I go leor cásanna, baineann scoláirí na hIdirbhliana an-taitneamh as an eispéireas agus roghnaíonn siad fanacht linn don 5ú agus don 6ú bliain!
Ar mhuscail muid do spéis?
2025./2026
Clár
Taithí Oibre & Scileanna Saoil
Is cuid ríthábhachtach de Chlár na hIdirbhliana í an taithí oibre. Déanann na scoláirí roinnt seachtainí de thaithí oibre, rud a thugann léargas dóibh ar roghanna gairme amach anseo.
Ina theannta sin, bíonn deis ag na scoláirí scileanna saoil a fhorbairt i rith na hIdirbhliana. Ina measc seo tá:
- Cócaireacht
- Cúrsa barista
- TFC (Teicneolaíocht Faisnéise agus Cumarsáide)
- Ullmhúchán don scrúdú teoirice tiomána
- Gníomhaíochtaí dírithe ar fhorbairt shóisialta agus phearsanta
